Lið vikunnar í enska - Þrír úr toppliði Arsenal

Markvörður: Emiliano Martínez (Aston Villa) - Framúrskarandi leikur hjá argentínska heimsmeistaranum í sigrinum gegn Leeds. Markvarsla hans frá Jack Harrison var ekkert minna en stórkostleg.

Varnarmaður: Ben White (Arsenal) - Traustur og yfirvegaður þegar Arsenal lagði granna sína í Tottenham. Gekk vel í að halda Son í skefjum.

Varnarmaður: Luke Shaw (Manchester United) - Eftirtektarverð frammistaða hjá Shaw þegar United vann grannaslaginn gegn City. Shaw hefur verið að spila í hjarta varnarinnar og gert það frábærlega.

Varnarmaður: Alex Moreno (Aston Villa) - Kom inn snemma leiks gegn Leeds vegna meiðsla, í sínum fyrsta leik síðan hann var keyptur frá Real Betis. Og þvílík frammistaða í fyrsta leik.

Miðjumaður: Solly March (Brighton) - Brighton var betra liðið á öllum sviðum í sigrinum gegn Brighton og March var meðal markaskorara.

Miðjumaður: Martin Ödegaard (Arsenal) - Skoraði í sigrinum gegn Tottenham og hefur verið hreinlega geggjaður fyrir Arsenal á tímabilinu. Sýnt mikla fagmennsku og frammistöðu í heimsklassa.

Miðjumaður: Mathias Jensen (Brentford) - Brentford heldur áfram að gera flotta hluti og liðið vann Bournemouth 2-0 um helgina. Danski miðjumaðurinn Jensen átti mjög öflugan leik og skoraði.

Miðumaður: James Ward-Prowse (Southampton) - Tók golf-fagnið sitt fræga tvívegis í 2-1 endurkomusigri gegn Everton. Southampton hefur verið dapurt á tímabilinu en vann gríðarlega mikilvægan sigur.

Sóknarmaður: Brennan Johnson (Nottingham Forest) - Kom Forest í 2-0 gegn Leicester. Frammistaða Forest hefur verið ansi misjöfn en þessi velski landsliðsmaður hefur þó sýnt að það er margt í hann spunnið.

Sóknarmaður: Marcus Rashford (Manchester United) - Það er um það talað og eftir því tekið. Rashford er allt annar leikmaður en hann var á síðasta tímabili. Er að blómstra og gerði gæfumuninn í sigrinum gegn City. Hafði mikil áhrif í fyrra marki United og skoraði það seinna.

Sóknarmaður: Bukayo Saka (Arsenal) - Arsenal var með gríðarlega yfirburði í fyrri hálfleik gegn Tottenham og Saka var allt að því óstöðvandi.