Óttar í landsleik í Kína í janúar.
Óttar Magnús Karlsson, framherji Molde, verður væntanlega í íslenska landliðshópnum fyrir leikinn gegn Kosóvó í undankeppni HM og vináttuleikinn gegn Írum síðar í mánuðinum.
Heimir Hallgrímsson, landsliðsþjálfari, tilkynnir hópinn klukkan 13:15 á morgun.
Heimir Hallgrímsson, landsliðsþjálfari, tilkynnir hópinn klukkan 13:15 á morgun.
Óttar var ekki valinn í U21 árs landsliðshópinn fyrir komandi vináttuleik gegn Georgíu og Sádi-Arabíu.
Engin meiðsli eru að hrjá Óttar en hann spilaði allan leikinn þegar Molde sigraði FH 4-1 á Marbella í gær.
Því má fastlega gera ráð fyrir því að hann verði í A-landsliðshópnum sem er tilkynntur á morgun.
Hinn tvítugi Óttar spilaði sína fyrstu A-landsleiki á æfingamóti í Kína í janúar. Í fyrra sló hann í gegn með Víkingi R. í Pepsi-deildinni en Molde keypti hann í kjölfarið í sínar raðir.
Athugasemdir
