Valur 2 - 1 Breiðablik
1-0 Guðrún Elísabet Björgvinsdóttir ('65 )
2-0 Jasmín Erla Ingadóttir ('81 )
2-1 Karitas Tómasdóttir ('92 )
Lestu um leikinn
Valur er Mjólkurbikarmeistari kvenna eftir sigur á Breiðabliki í úrslitum í kvöld.
Breiðablik hefði getað náð forystunni þegar Andrea Rut Bjarnadóttir komst í góða stöðu en skot hennar fór í hliðarnetið.
Valskonur byrjuðu seinni hálfleikinn betur en Blikar fengu fyrsta færið þegar Anna Rakel Pétursdóttir bjargaði á línu eftir skot frá Birtu Georgsdóttur.
Valur náði forystunni þegar Guðrún Elísabet Björgvinsdóttir kom boltanum í netið eftir mikið klafs inn á teig Blika.
Blikar reyndu hvað þær gáatu að ná í jöfnunarmarkið en Valskonur nýttu sér það og komust í skyndisókn. Jasmín Erla batt endahnútinn á sóknina með laglegu skoti sem hafnaði í netinu.
Karitas Tómasdóttir klóraði í bakkann fyrir Blika í uppbótatíma en það dugði ekki til og Valur fagnaði bikarmeistaratitlinum.
Jasmín Erla Ingadóttir að klára þetta fyrir Val?
— RÚV Íþróttir (@ruvithrottir) August 16, 2024
Kate Cousins gerir frábærlega og þræðir boltan á Jasmín sem klárar færið vel, 2-0 fyrir Val! pic.twitter.com/gngAA94gvu
