AC Milan varð af þremur mikilvægum stigum í toppbaráttunni eftir 2-1 tap gegn Spezia. Afdrifarík mistök dómara leiksins urðu til þess að AC Milan tapaði leiknum og komst ekki upp í toppsætið.

AC Milan er í öðru sæti en Napoli gat komist tveimur stigum á eftir Milan með sigri á Bologna.

Hirving Lozano kom Napoli yfir eftir 20 mínútna leik og hann skoraði seinna mark leiksins í upphafi síðari hálfleiks. 2-0 sigur Napoli staðreynd.

Genoa rak stjórann Andreyi Shevchenko á dögunum en liðið mætti sjóðheitum Fiorentina mönnum í kvöld. Þjálfari unglingaliðsins A. Konko var á hliðarlínunni í kvöld.

Markamaskínan Dusan Vlahovic fór illa að ráði sínu er hann ákvað að taka svokallað panenka víti í upphafi leiks, hann vippaði beint á markið en markvörðurinn varði vítið.

Það kom ekki að sök því Fiorentina var þremur mörkum yfir í hálfleik. Vlahovic bætti upp fyrir vítaklúðrið og skoraði fjórða markið. Fiorentina skoraði tvö mörk til viðbótar áður en leik lauk. 6-0 lokatölur.

Milan 1 - 2 Spezia
1-0 Rafael Leao ('45 )
1-0 Theo Hernandez ('45 , Misnotað víti)
1-1 Kevin Agudelo ('64 )
1-2 Emmanuel Gyasi ('90 )

Bologna 0 - 2 Napoli
0-1 Hirving Lozano ('20 )
0-2 Hirving Lozano ('47 )

Fiorentina 6 - 0 Genoa
0-0 Dusan Vlahovic ('11 , Misnotað víti)
1-0 Alvaro Odriozola ('15 )
2-0 Giacomo Bonaventura ('34 )
3-0 Cristiano Biraghi ('42 )
4-0 Dusan Vlahovic ('51 )
5-0 Cristiano Biraghi ('69 )
6-0 Lucas Torreira ('77 )