Stefán Ingi Sigurðarson er samkvæmt heimildum Fótbolta.net að yfirgefa herbúðir belgíska félagsins Patro Eisden. Það sást til hans og umboðsmanns hans, Ólafs Garðarssonar, á Keflavíkurflugvelli í morgun.
Hann er að semja við félag í Skandinavíu en samkvæmt heimildum Fótbolta.net hafa Strömsgodset og Sandefjord í norsku úrvalsdeildinni sýnt honum mikinn áhuga og sömuleiðis Halmstad í sænsku úrvalsdeildinni.
Hann er að semja við félag í Skandinavíu en samkvæmt heimildum Fótbolta.net hafa Strömsgodset og Sandefjord í norsku úrvalsdeildinni sýnt honum mikinn áhuga og sömuleiðis Halmstad í sænsku úrvalsdeildinni.
Fótbolti.net greindi á dögunum frá því að áhugi væri á Stefáni í Noregi, Svíþjóð og í Belgíu og nú er ljóst að hann er að skipta um félag.
Hann er 23 ára framherji sem var markahæsti leikmaður Bestu deildarinnar í fyrra þegar Patro Eisden keypti hann frá Breiðabliki.
Stefán byrjaði ellefu leiki og kom tólf sinnum inn á í belgísku B-deildinni á síðasta tímabili. Hann skoraði tíu mörk í 25 leikjum á sínu fyrsta tímabili í atvinnumennsku.
Ekki náðist í Ólaf við vinnslu þessarar fréttar.
Uppfært 14:25
Samkvæmt Nettavisen er Stefán að ganga í raðir Sandefjord.
Athugasemdir
