England: Tottenham svaraði fyrir sig eftir erfiða byrjun

Tottenham vann útisigur á Newcastle United í kvöld er seinni leikur dagsins í ensku úrvalsdeildinni fór fram.

Það var boðið upp á fjör á St. James‘ Park í þetta sinn þar sem fimm mörk voru skoruð og fjögur af þeim í fyrri hálfleik.

Ballið byrjaði á annarri mínútu er Callum Wilson skoraði fyrir heimamenn sem voru ekki lengi að taka forystuna.

Tanguy Ndombele svaraði fyrir Tottenham á 17. Mínútu og stuttu seinna skoraði Harry Kane annað mark gestanna og kom þeim í 2-1.

Undir lok fyrri hálfleiks bætti Heung-Min Son við þriðja marki Tottenham sem fór með tveggja marka forystu inn í leikhlé.

Jonjo Shelvey kom inná sem varamaður hjá Newcastle á 60. Mínútu en hann átti enga draumainnkomu og lét reka sig af velli þegar sjö mínútur voru eftir með tvö gul spjöld.

Newcastle tókst þrátt fyrir það að minnka muninn í 3-2 en Eric Dier skoraði þá sjálfsmark fyrir Tottenham þegar ein mínúta var eftir af venjulegum leiktíma.

Lengra komust þeir svarthvítu ekki og er það Tottenham sem fagnar þremur stigum í þetta sinn.