„Mér fannst þær vera með yfirhöndina í fyrri hálfleik, en mér fannst við taka yfirhöndina í seinni hálfleik. Getum verið svekkt að við skoruðum ekki mörk.'' segir Glódís Perla eftir 0-1 tap gegn Englandi.
Lestu um leikinn: Ísland 0 - 1 England
Glódís náði því risa markmiði að verða leikjahæsti leikmaður kvenna landsliðsins eftir leikinn í dag gegn Englandi með 146 leiki.
„Bara ótrúlega stolt. Stór stund, virkilega gaman og ég er bara svo ótrúlega stolt að spila fyrir Ísland. Það er virkilega gaman að eiga þetta met núna og vonandi get ég haldið áfram að bæta ofan á það.''
Glódís var spurð út í hvernig það væri að slá svona met gegn liði eins og England.
„Það hefði verið skemmtilegra ef við hefðum unnið. Nei auðvitað bara gríðarlega stolt af frammistöðunni hjá liðinu í dag. Að tapa eitt núll á móti Evrópumeisturum og þær voru að vinna Spán í seinasta leik og vera bara hundfúll með það, er svona vond tilfinning en á sama góð tilfinning,''
Það var vel mætt á Laugardalsvöll í dag og stuðningsmenn stóðu þétt við bakið á stelpunum okkar.
„Það var gríðarlega gaman að horfa upp í stúku og hún var nánast full. Það bara gefur manni ógeðslega mikið og náttúrulega geggjaður dagur og gott veður. Fyrir mig persónulega þá bara gerði þetta daginn enn þá meira sérstakan.''
Næsti gluggi landsliðsins er í júní þar sem liðið mæti Úkraínu og Spán.
„Maður er kannski ekki búin að hugsa þangað akkúrat núna, en við þurfum bara að fara til Póllands og sækja sigur á móti Úkraínu og koma okkur í frábæra stöðu í þetta þriðja sæti sem við erum mikið að tala um,''
Hægt er að horfa á viðtalið í heild sinni hér fyrir ofan
