,,Við vorum að spila vel. Við skoruðum strax í byrjun og hlutirnir urðu auðveldari eftir það," sagði Ejub Purisevic þjálfari Víkings Ólafsvíkur eftir 5-0 sigur liðsins á ÍA í kvöld.
Lestu um leikinn: ÍA 0 - 5 Víkingur Ó.
,,ÍA er rosalega stórt fyrir okkur. Þegar ég fór til Ólafsvíkur fyrir 10-11 árum þá var Víkingur í riðlakeppni í 4. deild en ÍA var bikarmeistari. Í dag unnum við þá og það er rosalegt afrek."
Þrír Spánverjar komust á blað hjá Ólafsvíkingum í dag en liðið er með fjóra slíka innan sinna raða.
,,Þeir spiluðu vel í dag. Þeir þurfa stundum tíma til að aðlagast. Þetta eru fínir strákar, þeir æfa vel og í dag voru þeir flottir."
Þór og Keflavík gerðu 2-2 jafntefli í hinum fallbaráttuslag kvöldsins í Pepsi-deildinni. ,,Ég er heiðarlegur og ég hefði viljað sjá Keflavík vinna en ég ræð engu um það," sagði Ejub.
Næsti leikur Ólafsvíkingar er gríðarlega mikilvægur en þá heimsækir liðið Fylkismenn.
,,Þessi leikur segir okkur ekki neitt. Hann gaf okkur bara tækifæri að komast aftur inn. Næsti leikur skiptir máli."
,,Það er eitt sem skiptir mig og bæjarbúa máli. Það er að eiga lið sem er í úrvalsdeildinni og er ekki til skammar. Við erum með lið sem getur spilað í úrvalsdeildinni og við getum farið á Fylkisvöll og náð í stig."
Hér að ofan má sjá viðtalið í heild sinni.
