Gonzalo Zamorano gerði eina mark leiksins er ÍBV lagði Þrótt R. að velli í Laugardalnum.

Gonzalo skoraði markið seint í fyrri hálfleik og tókst hvorugu liði að breyta stöðunni eftir leikhlé.

Liðin mættust í botnslag í síðustu umferð riðlakeppni A-deildar Lengjubikarsins.

ÍBV lýkur því keppni með sex stig eftir fimm umferðir. Þróttur endar með þrjú stig.

Gonzalo er fæddur 1995 og var meðal bestu leikmanna Lengjudeildarinnar í fyrra þar sem hann skoraði 11 mörk í 20 leikjum með Víkingi Ólafsvík. Hann var besti leikmaðurinn á Ólafsvík og var fenginn til ÍBV sem ætlar sér aftur upp í efstu deild.