Atli Sigurjónsson skoraði tvennu í 3-1 sigri KR í æfingaleik gegn FH í dag, þar sem Jóhann Ægir Arnarsson gerði eina mark FH-inga.
Atli skoraði fyrstu tvö mörk KR í leiknum og innsiglaði Hjalti Sigurðsson sigur Vesturbæinga. Öll fjögur mörk leiksins voru skoruð í fyrri hálfleik.
Gylfi Þór Sigurðsson var þá í byrjunarliði Víkings R. sem sigraði 2-0 gegn Grindavík.
Þetta er fyrsti leikur Gylfa með Víkingi en hann komst ekki á blað sjálfur. Helgi Guðjónsson skoraði úr vítaspyrnu í fyrri hálfleik og innsiglaði Viktor Örlygur Andrason sigurinn eftir leikhlé.
Nikolaj Hansen sóknarmaður Víkings tognaði á læri í sigrinum og verður því frá keppni.
Að lokum gerði Dalvík/Reynir jafntefli við Þór í nágrannaslag þar sem Dalvíkingar komust yfir með marki frá Remi Emeriau, en Sigfús Fannar Gunnarsson jafnaði fyrir Akureyringa.
KR 3 - 1 FH
1-0 Atli Sigurjónsson
1-1 Jóhann Ægir Arnarsson
2-1 Atli Sigurjónsson
3-1 Hjalti Sigurðsson
Víkingur 2 - 0 Grindavík
1-0 Helgi Guðjónsson, víti
2-0 Viktor Örlygur Andrason
Dalvík/Reynir 1 - 1 Þór
1-0 Remi Emeriau
1-1 Sigfús Fannar Gunnarsson
Athugasemdir
