Sara Björk meiddist í upphitun
Sara Björk Gunnarsdóttir, fyrirliði íslenska kvennalandsliðsins, var ekki með Juventus í 1-1 jafntefli liðsins við danska liðið Köge í forkeppni Meistaradeildar Evrópu í kvöld eftir að hafa meiðst í upphitun.
Juventus tilkynnti byrjunarliðið tæpum einum og hálfum tíma fyrir leik liðsins við Köge og var Sara í liðinu.
Sara fann til í hægri fæti eftir upphitun og gat því ekki verið með liðinu í kvöld. Ekki er vitað hvort meiðslin séu af alvarlegum toga.
Juventus gerði 1-1 jafntefli við Köge og mun því þurfa sigur á heimavelli sínum til að komast í riðlakeppnina en sá leikur fer fram í næstu viku.
Það er vonandi að meiðslin séu ekki alvarleg en íslenska kvennalandsliðið á mikilvægan leik í umspili um sæti á HM þann 11. október. Ísland mætir Belgíu eða Portúgal og dugir sigur til að komast í fyrsta sinn á HM.
Athugasemdir
