Það var tilkynnt í gær um það að Pálmi Rafn Pálmason hefði framlengt samning sinn við KR um eitt ár.
„Mér líst alltaf vel á þetta. Ég er enn í góðu standi og mér finnst ég enn býsna góður. Ég tek eitt ár í viðbót," sagði Pálmi í samtali við Fótbolta.net.
Pálmi er orðinn 36 ára. Þurfti hann að hugsa lengi um að halda áfram eða leggja skóna á hilluna?
„Nei, ég þurfti þess ekki. Ég er enn mjög hungraður þó ég sé hundgamall. Þetta var ekki erfið ákvörðun."
KR tilkynnti um tvo nýja leikmenn í gær; sóknarmenn Stefan Alexander Ljubicic og Sigurð Bjart Hallsson. Einnig hefur KR samið við markvörðinn Aron Snæ Friðriksson.
„Þeir eru svo stórir maður! Þetta eru alvöru skrokkar. Mér líst mjög vel á þá. Ég er virkilega spenntur að sjá hvað þeir koma með. Ég vona að þeir komi inn af fullum krafti," sagði Pálmi.
Allt viðtalið má sjá hér að ofan.
Athugasemdir