England: Bowen skoraði tvennu í fallbaráttuslagnum - Brighton bjargaði stigi

Það var nýliðaslagur þegar Bournemouth og Nottingham Forest áttu við en liðin skildu jöfn 1-1.

Sam Surridge bjargaði stigi fyrir gestina með marki af stuttu færi. Það munaði ekki miklu að hann væri rangstæður þegar hann kom knettinum yfir línuna en það slapp fyrir horn.

Á King Power vellinum í Leicester gerðu heimamenn 2-2 jafntefli gegn Brighton í fjörugum leik. Kaoru Mitoma skoraði frábær mark fyrir Brighton og þá jafnaði hinn 18 ára gamli Evan Ferguson metin undir lok leiks með smekklegu skallamarki.

Jarrod Bowen sá um Everton í fallslagnum þegar West Ham og Everton mættust. Það gæti farið sem svo að Frank Lampard taki pokann sinn fljótlega.

Þá vann Aston Villa góðan útisigur á Southampton. Það var töf á leiknum vegna dróna sem flaug yfir vellinum í fyrri hálfleik.

Southampton skoraði í síðari hálfleiknum en markið var dæmt af vegna brots í aðdragandanum. Það var síðan Ollie Watkins sem tryggði sigurinn fyrir gestina á 78. mínútu leiksins.

Bournemouth 1 - 1 Nott. Forest
1-0 Jaidon Anthony ('28 )
1-1 Sam Surridge ('84 )

Leicester City 2 - 2 Brighton
0-1 Kaoru Mitoma ('27 )
1-1 Marc Albrighton ('38 )
2-1 Harvey Barnes ('63 )
2-2 Evan Ferguson ('88)

Southampton 0 - 1 Aston Villa
0-1 Ollie Watkins ('78)

West Ham 2 - 0 Everton
1-0 Jarrod Bowen ('34 )
2-0 Jarrod Bowen ('41 )