Hann kom inn í liðið á 9. mínútu fyrir Nicolas Dominguez. Á 25. mínútu skoraði Musa Barrow fyrir Bologna. Á 28. mínútu fékk svo Andri að líta gult spjald.

Á 56. mínútu fór Andri svo af velli fyrir Mattias Svanberg. Tveimur mínútum seinna jafnaði Torino leikinn.

Andri Fannar staðfesti það við Fótbolta.net í kvöld að hann hafi farið af velli vegna gula spjaldsins. Sinisa Mihajlovic, stjóri Bologna, útskýrði það fyrir honum. Línan í leiknum var mjög ströng og fékk Andri að líta gula spjaldið fyrir sitt fyrsta brot.

Andri stóð sig vel í leiknum og vonast eftir fleiri mínútum í næstu leikjum.

Hann var til umræðu í nýjasta þætti ítalska boltans sem hægt er að hlusta á hér að neðan.