Halldór Atli Kristjánsson skoraði tvö er Augnablik vann Vængi Júpíters, 3-1, í Grafarvogi. Halldór skoraði mörkin á fyrsta hálftímanum en Rafael Máni Þrastarson kom Vængjunum inn í leikinn þegar tuttugu mínútur voru til leiksloka.

Júlíus Óli Stefánsson sá til þess að Augnablikar færu með öll stigin heim með marki á 87. mínútu og þar við sat.

Stefán Ómar Magnússon skoraði þá tvö og Benedikt Jóel Elvarsson eitt er KFK vann Sindra 3-0. Gestirnir í Sindri spiluðu manni færri síðasta hálftímann eftir að Kristján Örn Þorvarðarson fékk að líta rauða spjaldið.

Magnamenn sóttu 2-1 sigur í Mosfellsbæ er liðið mætti Hvíta riddaranum. Kári Jökull Ingvarsson kom heimamönnum í 1-0 en tvö mörk frá Tómasi Erni Arnarsyni var nóg fyrir Magna sem tekur þrjú stig með sér í heimferðinni til Grenivíkur.

Staða liðanna er þannig: Augnablik er í fjórða sæti með 24 stig, Magni í fimmta með 19 stig, KFK í sjötta sæti með 19 stig, Vængirnir í 9. sæti með 13 stig, svo koma Sindri og Hvíti riddarinn í tveimur neðstu sætunum með 11 stig.

Vængir Júpiters 1 - 3 Augnablik
0-1 Halldór Atli Kristjánsson ('10 )
0-2 Halldór Atli Kristjánsson ('23 )
1-2 Rafael Máni Þrastarson ('69 )
1-3 Júlíus Óli Stefánsson ('87 )

KFK 3 - 0 Sindri
1-0 Stefán Ómar Magnússon ('28 )
2-0 Stefán Ómar Magnússon ('67 )
3-0 Benedikt Jóel Elvarsson ('90 )
Rautt spjald: Kristján Örn Þorvarðarson , Sindri ('63)

Hvíti riddarinn 1 - 2 Magni
1-0 Kári Jökull Ingvarsson ('17 )
1-1 Tómas Örn Arnarson ('30 )
1-2 Tómas Örn Arnarson ('72 )