„Þetta var fagmannleg frammistaða," sagði Frank Lampard, stjóri Chelsea, eftir 2-0 útisigur á Newcastle í ensku úrvalsdeildinni.

„Fyrstu 20 mínúturnar voru frábærar, við höfðum stjórn og héldum boltanum. Þeir komu sterkir út í seinni hálfleikinn og mér fannst alltaf eins og við yrðum hættulegastir með því að sækja hratt á þá."

„Þið sáuð það þegar Timo (Werner) sótti hratt og lagði upp fyrir Tammy (Abraham)."

„Við spiluðum vel en það eru úrslitin sem skipta mestu máli vegna þess að enska úrvalsdeildin er gríðarlega erfið. Strákarnir tókust á við áskorunina í dag og ég er mjög ánægður."

Chelsea er núna á toppi deildarinnar en Lampard er ekkert að missa sig yfir því. „Það er ánægjulegt, en ég ætla ekki að fara að vera spenntur yfir því að vera á toppnum í fimm mínútur. Þetta er langt tímabil."

Að neðan má sjá stöðuna í deildinni.

Tweet

Senda a Facebook Hafdu samband Senda frétt Prenta frétt Frétta leit