,,Mér fannst þetta heilt yfir ágætis frammistaða. Þeta var pínulítið kaflaskipt, sérstaklega fyrri hálfleikurinn, þá duttum við aðeins niður á tímabili. Eg ágætis frammistaða hjá öllu liðinu og við förum sáttir heim," sagði Atli Viðar Björnsson framherji FH eftir 0-2 sigur á Fram í dag en þar með tryggði FH Evrópusætið í deildinni.
Lestu um leikinn: Fram 0 - 2 FH
,,Úr því sem komið er var markmið að tryggja það og það er jákvætt að það sé búið."
Atli Viðar skoraði bæði mörk FH í kvöld og er kominn með fimm mörk í þremur leikjum. Afhverju er hann svona heitur?
,,Ég veit það ekki, það er bara gaman að fá að spila og fá að vera með og þá er bara að nýta tækifærið," sagði Atli Viðar sem er kominn með 11 deildarmörk í sumar og í baráttu um gullskó. Hann sagðist ekki horfa til þess að ná í skóinn.
Nánar er rætt við hann í sjónvarpinu að ofan.
