Lengjubikar kvenna: Þór/KA í úrslit eftir sigur á Blikum

Þór/KA er komið í undanúrslit A-deildar Lengjubikarsins eftir 2-1 sigur á Breiðabliki á Kópavogsvelli í kvöld.

Andrea Rut Bjarnadóttir var ekki lengi að koma Blikum í forystu en það gerði hún með góðu vinstri fótar skoti eftir sendingu frá Taylor Marie Ziemer.

Gestirnir jöfnuðu rúmum tuttugu mínútum síðar. Ísfold Marý Sigtryggsdóttir stakk boltanum í gegn á Tahnai Lauren Annis sem skoraði með góðu skot við nærstöng.

Annis skoraði sigurmarkið þegar rúmar tíu mínútur voru eftir af leiknum. Hún lét þá vaða fyrir utan teig og hefði Telma Ívarsdóttir líklega átt að gera betur í markinu.

Þór/KA fagnaði sigri og er komið í úrslit A-deildarinnar en liðið mætir Þrótti eða Stjörnunni þann 1. apríl.