Í kvöld ráðast úrslitin í dauðariðli Evrópumótsins en Frakkar tróna á toppi F-riðilsins með fjögur stig. Þýskaland og Portúgal eru með þrjú stig og Ungverjaland á botninum með aðeins eitt.

Portúgal og Frakkland mætast í lokaumferðinni í kvöld og í tilefni leiksins setti Daily Mail saman sameiginlegt byrjunarlið Evrópumeistaranna og heimsmeistaranna.

Liðið er að sjálfsögðu gríðarlega sterkt enda feikilega öflugir leikmenn í báðum þessum liðum. Sjö leikmenn Frakklands eru í liðinu en fjórir frá Portúgal.