Þeir Ólafur Hrannar Kristjánsson og Kristófer Kristjánsson kepptu á móti hvorum öðrum á VÍS vellinum í gær þegar Leiknir kom í heimsókn til Akureyrar.
Kristófer lék sem vængbakvörður í liði Þórsara en Óli Hrannar var að stýra Leikni í fyrsta sinn sem aðalþjálfari. Þeir eru hálfbræður og voru að mætast í fyrsta sinn í leik.
Kristófer lék sem vængbakvörður í liði Þórsara en Óli Hrannar var að stýra Leikni í fyrsta sinn sem aðalþjálfari. Þeir eru hálfbræður og voru að mætast í fyrsta sinn í leik.
Óli Hrannar var í viðtali í gær spurður út í hvernig það hefði verið að mæta bróður sínum.
„Það var bara skemmtilegt, ég tel mig þekkja hann ágætlega."
Kristján Hrannar Jónsson, faðir þeirra bræðra, sat uppi í stúku og horfði á leikinn. Með hverjum hélt hann?
„Ég held það sé Þór," sagði Óli Hrannar og brosti. Hann var svo spurður hvort hann væri fúll út í það.
„Nei nei, hann er orðinn Akureyringur í húð og hár, þannig ég skil það alveg. Ég held að hann samgleðjist nú alveg uppáhalds elsta stráknum sínum," sagði Óli Hrannar og hló.
Athugasemdir