Fótbolti.net

Kennie: Líður eins og ég sé 25 ára

Ólafur Ingi: Þurfum að vinna í andlega þættinum

Rúnar Kristins: Búnir að vinna í þessu í tvö og hálft ár

Svekktur fyrirliði Vals: Vorum ekki nógu góðar til að verðskulda sigur

Lárus Orri: Þá ertu annaðhvort í fallbaráttu eða í baráttu um Evrópusæti

Jói Kalli: Auðvitað er þetta á minni ábyrgð

Böddi: Hjálpaði til að FH var í einhverjum nýjum lit af búning

Skoraði sigurmarkið og grínaðist með samherjann - „Rósey hendir einhverju góðu á hana“

Ray Anthony: Grenjum í kvöld

Maggi: Ákall á Mosfellinga

Brynjar Björn: Það er klárt brot á Óla

Heimir Guðjóns: Hann á skilið freyðivín frá mér

Badu: Ég held að ástæðan sé mun einfaldari en metnaðarleysi

„Þeir skapa nánast ekki færi í fyrri hálfleik, skora samt tvö mörk úr þessum hornum sínum"

Mattías Kjeld: Valur gat ekki lofað mér mínútum

Nenad: Búið að vera töfrasirkús

Jóhann Birnir: Eitthvað kæruleysi hjá öllum

„Þá er ég ekki það grænn og vitlaus að ég get alltaf hrósað okkur fyrir frábært spil og ægilega óheppnir"

Borja: Allt of dýrt að fá á sig mörk úr föstum leikatriðum

Gunnar Heiðar: Þetta er erfiðasta fæðing sem ég hef séð

lau 22. júní 2024 18:49

Sæbjörn Þór Þórbergsson Steinke

Vildi ekki taka allt kreditið eftir sigur Leiknis: Erum allir hetjur

Shkelzen Veseli.

Mynd: Fótbolti.net - Haukur Gunnarsson

Omar Sowe lagði upp markið.

Mynd: Fótbolti.net - Haukur Gunnarsson

Shkelzen Veseli skoraði sigurmark Leiknis á VÍS vellinum í dag. Hann skoraði undir lok leiks og kom Leikni yfir, 1-2, og reyndust það lokatölur.

Hann er tvítugur sóknarsinnaður miðjumaður sem uppalinn er hjá Leikni og lék sína fyrstu keppnisleiki með Leikni sumarið 2020. Hann ræddi við Fótbolta.net eftir leikinn.

Lestu um leikinn: Þór 1 - 2 Leiknir R.

„Tilfinningin er náttúrulega geggjuð, gaman að vinna á Akureyri og gaman að skora."

„Ég sé að Omar (Sowe) er með boltann, þekki hann nokkuð vel. Ég reyni að planta mér og tímasetja hlaupið rétt. Omar kemur með geggjaðan bolta, ég á svolítið þunga snertingu en markmaðurinn nær honum ekki þannig ég legg boltann framhjá honum."

„Ég gat ekki verið glaðari, hljóp beint að varamannabekknum og hoppaði á Óla og Atla."

„Já, það var alveg stress undir lokin en við bara gerðum þetta vel, gerðum þetta eins og á að gera þetta."

Hvernig er að vera hetjan þegar Leiknir vinnur sigur?

„Ég myndi ekki segja að ég væri hetjan heldur erum við allir hetjurnar í dag. Við gerðum þetta allir mjög vel, allir sem einn. Ég er virkilega sáttur með strákana. Ég er ekki eina hetjan, við vorum það allir."

Shkelzen fór niður í vítateig Þórs í seinni hálfleik og var kallað eftir vítaspyrnu. Átti hann að fá víti?

„Það er tæpt. Ég missi boltann smá langt frá mér, markmaðurinn fór í mig, en ég held að þetta hafi verið réttur dómur," sagði Shkelzen að lokum.

Leiknir tvöfaldaði með þessum sigri sitgafjölda sinn í Lengjudeildinni, liðið er nú með sex stig, rétt eins og Þór.