Madueke og Gyökeres til Arsenal - Kudus til Tottenham - Chelsea þarf að selja
Halli: Er ekkert í þessu til að hefna fyrir eitt né neitt
Halli Hróðmars: Orðið ansi þungt leik eftir leik
Úlfur Ágúst: Ég reyndi og sem betur fer fór hann inn
Jökull: Við vorum líklegri og sköpuðum betri færi
Heimir Guðjóns: Vítið sem Stjarnan fékk var rangur dómur
„Ekki búin að því og ég veit ekki hvort maður muni gera það"
Svaf ekki mikið - „Þurfum að nota þetta sem spark í rassinn"
Sár, svekkt og leið - „Ég er ekki sú ferskasta núna"
„Þetta er ekki upplifun sem ég hef fengið áður"
Steini: Ég er með samning áfram
Guðrún: Mikið af knúsum og ekki mikið af orðum
Cecilía: Leiðinlegt að hafa ekki gert meira fyrir þau
Karólína Lea: Það er langt síðan ég hef grenjað svona
Magnað viðtal við Glódísi - „Mun aldrei fyrirgefa mér það"
Ingibjörg meyr: Við ætlum að fokking vinna Noreg
Dagný: Ég hefði viljað ná að brjóta
Haddi: Ég skil ekki af hverju allir efast um Viðar
Ívar Örn: Það fer okkur mjög vel að spila hér í Laugardalnum
Grímsi: Vonandi er stíflan brostin sem ég er búinn að vera að glíma við
Óskar Hrafn: Ekkert grín að vera með þrjá fullvaxta karlmenn sem fá að faðma þig
   lau 22. júní 2024 19:39
Sæbjörn Þór Þórbergsson Steinke
Sigga fannst sínir menn litlir: Þurfa að svara fyrir það á miðvikudag
Lengjudeildin
Ekki sáttur með hugarfar sinna manna.
Ekki sáttur með hugarfar sinna manna.
Mynd: Fótbolti.net - Hafliði Breiðfjörð
'Mér fannst ekki nógu margir í Þórsliðinu í dag sem vildu fá þrjú stig'
'Mér fannst ekki nógu margir í Þórsliðinu í dag sem vildu fá þrjú stig'
Mynd: Fótbolti.net - Eyjólfur Garðarsson
'Ég er kannski búinn að vera aðeins of linur við þá'
'Ég er kannski búinn að vera aðeins of linur við þá'
Mynd: Fótbolti.net - Eyjólfur Garðarsson
„Ég er reiður yfir úrslitunum og að mörgu leyti frammistöðunni. (Það vantaði upp á) mest allt held ég bara," sagði Sigurður Heiðar Höskuldsson, þjálfari Þórs, eftir tap gegn Leikni í dag og svaraði neitandi aðspurður hvort það væri eitthvað sem hann væri glaður með.

Þór tapaði 1-2 á heimavelli gegn Leikni í dag og er nú með jafnmörg stig og botnlið deildarinnar; sex stig eftir sjö umferðir. Það er langt frá því sem Þór ætlaði sér í sumar, stefnan var sett upp.

Lestu um leikinn: Þór 1 -  2 Leiknir R.

Tvö mörk voru dæmd af Þór vegna rangstöðu. Siggi var á því að fyrra markið hefði átt að standa.

„Ég er aðeins búinn að kíkja á þetta, fyrra markið er náttúrulega ekki rangstaða og seinna er mikið vafaatriði held ég." Það tók smá tíma að dæma seinna markið af. „Nei, mér fannst það ekkert skrítin framkvæmd, dómararnir gera bara það sem þeir gera, ég er ekki að pæla of mikið í því."

Siggi hefur áhyggjur af frammistöðu liðsins. „Þetta er í fyrsta skiptið sem ég horfi á liðið og er mjög ósáttur með frammistöðuna og hugarfarið. Það komu alveg góðir kaflar og ef þessi mörk hefðu ekki verið tekin af okkur og við hefðum skorað úr eitthvað af þessum færum og sóknum sem við fengum þá væri ég hérna himinlifandi."

„Núna erum við ekkert að pæla í frammistöðunni, heldur bara að pæla í stigum. Þetta átti að vera augnablik til þess að taka þrjú stig, en Leiknismenn gerðu þetta vel, það var kraftur í þeim og meiri kraftur en í okkur sem mér finnst mjög skrítið af okkar hálfu. Ég hélt við værum komnir með þá, vorum búnir að ýta þeim niður og þjarma að þeim, fengum fullt af sénsum. Ég nenni ekki að pæla í einhverri frammistöðu núna, við þurfum bara að fá stig og það þarf alvöru leikmenn sem eru tilbúnir að gera allt til þess að fá þessi stig. mér fannst ekki nógu margir í Þórsliðinu í dag sem vildu fá þrjú stig."


Það var nánast alltaf mikil hætta þegar Leiknir náði að komast úr lágvörninni sinni í seinni hálfleik.

„Við brugðumst illa við því. Ég er ekki nógu ánægður með hugarfarið í dag, þetta er ekki búið að vera vandamál hjá okkur í sumar."

Hvað var það helsta sem var sagt inni í klefa eftir leik?

„Ég er kannski búinn að vera aðeins of linur við þá. Ég er búinn að taka tvö brjálæðisköst á þá og þá komu einhver viðbrögð. Ég held ég þurfi að fara brýna raustina á þá aðeins betur."

Þarf að fá svar í nágrannaslagnum
Framundan er nágrannaslagur á Dalvík. „Það þarf svo sannarlega svar þar, það eru margir sem áttu ekki góðan dag í dag sem þurfa að svara fyrir það á miðvikudag."

„Fyrir leikinn í dag áttum við tvo leiki inni og með þremur stigum hefðum við verið í góðri sveiflu. Við erum búnir með erfitt prógram í byrjun; tveir heimaleikir (fyrir leikinn í dag) og fjórir útileikir, búnir að spila við fimm af sex efstu liðunum í deildinni. Ég er búinn að vera nokkuð ánægður með frammistöðuna, en ekki stigasöfnunina. Nú þurfum við að harka stig og vera aðeins stærri en þetta. Mér fannst við svolítið litlir í dag sem er ekki eitthvað sem við viljum standa fyrir."


Gengið illa að skora
Þór hefur einungis einu sinni í sumar skorað meira en eitt mark. Af hverju gengur svona illa að skora?

„Þetta er með ólíkindum. Það er einhver stífla sem við þurfum að losa. Við erum svo sannarlega að skora mörk á æfingasvæðinu. Það hlýtur að fara detta, þá koma sigrarnir og stigin. Mörkin þurfa að fara koma fljótt," sagði þjálfari Þórsara.

Siggi vonast til að endurheimta Aron Inga Magnússon í leikmannahópinn í þarnæsta leik.
Athugasemdir
banner