Brynjar Ingi Bjarnason
Vålerenga, Bodö/Glimt, Hammarby og Malmö eru öll búin að skrá sig í kapphlaupið um íslenska landsliðsmanninn Brynjar Inga Bjarnason en ítalska félagið Lecce er þegar búið að samþykkja eitt tilboð.
Eins og Fótbolti.net greindi frá í gær þá er Lecce búið að samþykkja tilboð í Brynjar Inga og kemur það tilboð frá Noregi.
Sjá einnig:
Lecce samþykkir tilboð í Brynjar Inga - Á leið til Noregs?
Rosenborg hefur sýnt honum mikinn áhuga síðustu vikur og hefur verið í viðræðum við Lecce en það er þó ekki eina félagið sem er í baráttunni um hann.
Vålerenga, Bodö/Glimt, Hammarby og Malmö eru nú öll komin í baráttuna um miðvörðinn.
Nettavisen greinir frá áhuga Malmö og Hammarby á Brynjari. Sænsku meistararnir missa Anel Ahmedhodzic en hann sér fyrir sér að spila í ensku úrvalsdeildinni á meðan Franz Brorsson verður samningslaus um áramótin.
Vålerenga er þá klúbbur sem er ansi ofarlega í baráttunni en Stian Andre´de Wahl, blaðamaður á Nettavisen, segir að félagið sé einnig í viðræðum við Lecce um kaup á landsliðsmanninum
Norska meistaraliðið Bodö/Glimt er einnig áhugasamt um Brynjar en það er ljóst að hann hefur úr nokkrum klúbbum að velja úr ef hann ákveður að yfirgefa Lecce í janúar.
Hann hefur aðeins spilað 45 mínútur í ítölsku B-deildinni á þessari leiktíð síðan hann kom frá KA í sumar.
🌀Ny utvikling rundt Brynjar Ingi Bjarnason. Vålerenga er også i forhandlinger om en overgang for islendingen, får Nettavisen opplyst av flere kilder. Stopperen er ønsket i Oslo. Også konkret interesse i Sverige🔛 https://t.co/sswIbiHPg5
— Stian André de Wahl (@StianWahl) December 23, 2021
Athugasemdir
