Guðjón Baldvins á leið til Indlands - Spilar frammi með Berbatov
Guðjón Baldvinsson.
Mynd: Fótbolti.net - Hafliði Breiðfjörð
Guðjón Baldvinsson.
Mynd: Fótbolti.net - Hafliði Breiðfjörð
Guðjón Baldvinsson, framherji Stjörnunnar, er farinn til Indlands þar sem hann er væntanlega að ganga í raðir Kerala Blasters í ofurdeildinni þar í landi. Þetta hefur Fótbolti.net eftir öruggum heimildum.
Stefnt er á að Guðjón fari á láni til Kerala Blasters þar til að ofurdeildinni lýkur í mars. Félagaskiptin hafa ekki gengið í gegn en vonir standa til þess að það gerist á næstu dögum.
Stefnt er á að Guðjón fari á láni til Kerala Blasters þar til að ofurdeildinni lýkur í mars. Félagaskiptin hafa ekki gengið í gegn en vonir standa til þess að það gerist á næstu dögum.
David James, fyrrum markvörður enska landsliðsins, er þjálfari Kerala Blasters og Hermann Hreiðarsson var á dögunum ráðinn aðstoðarþjálfari liðsins.
Dimitar Berbatov, fyrrum framherji Manchester United og Tottenham, er á mála hjá Kerala Blasters en hann og Guðjón leika saman í fremstu víglínu ef félagaskiptin ganga í gegn.
Kerala Blasters er í 7. sæti af tíu liðum í deildinni en Wes Brown fyrrum varnarmaður Manchester United er einnig á mála hjá félaginu.
Hinn 31 árs gamli Guðjón skoraði tólf mörk í nítján leikjum í Pepsi-deildinni síðastliðið sumar.
Dimitar Berbatov, fyrrum framherji Manchester United og Tottenham, er á mála hjá Kerala Blasters en hann og Guðjón leika saman í fremstu víglínu ef félagaskiptin ganga í gegn.
Kerala Blasters er í 7. sæti af tíu liðum í deildinni en Wes Brown fyrrum varnarmaður Manchester United er einnig á mála hjá félaginu.
Hinn 31 árs gamli Guðjón skoraði tólf mörk í nítján leikjum í Pepsi-deildinni síðastliðið sumar.
