Það eru þó fleiri lið í toppbaráttunni og getur Þór komist uppfyrir Gróttu með sigri gegn Leikni R. í næsta leik. Þór og Fjölnir eiga þó innbyrðisviðureign eftir á meðan Grótta mætir fjórum neðstu liðunum í lokaumferðunum.

„Ég er ógeðslega sáttur. Mér fannst við betri en þeir. Þeir fengu sín færi en við höfðum tök á leiknum. Þegar þeir minnkuðu muninn þá stigum við upp og kláruðum þetta. Ég hef aldrei verið jafn glaður að setja hann," sagði Sölvi skælbrosandi.

„Við tökum einn leik í einu. Ef við vinnum rest þá erum við í góðum séns að komast upp."