Mynd: Fótbolti.net - Hafliði Breiðfjörð

„Það eru blendnar tilfinningar. Margt gott í þessu, fyrsta hálftímann var jafnræði í þessu en svo gefum við ódýrt mark og maður finnur að menn bogna við það og það kemur annað mark í kjölfarið en svo kom mjög góður kafli fyrstu 25 mínúturnar í seinni hálfleik og við fáum dauðafæri í stöðunni 2-0. Munurinn á liðunum voru bara gæði," sagði Þorlákur.

Hann var heilt yfir ánægður með spilamennskuna en fyrstu tvö mörkin voru sérstaklega slæm þar sem Marc Rochester Sörensen átti slæma sendingu til baka í fyrra markinu og honum fannst að Aron Birkir Stefánsson hefði átt að verja aukaspyrnu Hallgríms Mar í öðru markinu.

Þá var hann alls ekki sáttur með Ragnar Óla Ragnarsson fyrir að láta reka sig af velli undir lok leiksins.

„Mér fannst dómarinn frábær í þessum leik, þetta var klárt rautt. Þetta var mjög heimskulegt og ákveðin skilaboð inn í hópinn að menn ætli ekki að bera ábyrgð þegar við erum í erfiðleikum. Það eru mikil vonbrigði, eins frábær drengur og Raggi er var þetta ekki skynsamlegt," sagði Þorlákur.