Bayern varð meistari síðustu helgi eftir að hafa unnið erkifjendur sína í Stuttgart.

Vincent Kompany hefur aðeins verið að breyta liðinu og gefið þeim leikmönnum sem hafa spilað færri mínútur að fá að spreyta sig.

Það virkaði ekkert sérlega vel í fyrri hálfleiknum. Staðan var 3-0 fyrir Mainz þegar flautað var til loka fyrri hálfleik og sá Kompany sig tilneyddan til þess að gera breytingar.

Bæjarar komu til baka. Nicolas Jackson skoraði á 53. mínútu og minnkaði Michael Olise muninn tuttugu mínútum síðar.

Jamal Musiala og Harry Kane fullkomnuðu endurkomuna á þremur mínútum undir lok leiks og tryggðu Bayern ótrúlegan sigur. Ein af endurkomum ársins í deildinni.

Ísak Bergmann Jóhannesson var í byrjunarliði Köln sem tapaði fyrir Bayer Leverkusen, 2-1, á heimavelli. Köln er í 14. sæti með 31 stig þegar þrjár umferðir eru eftir og enn í hættu á að falla niður um deild.

Úrslit og markaskorarar:

Wolfsburg 0 - 0 Borussia M.
Rautt spjald: Jens Castrop, Borussia M. ('90)

Heidenheim 2 - 0 St. Pauli
1-0 Budu Zivzivadze ('3 )
2-0 Eren Dinkci ('82 )

Augsburg 1 - 1 Eintracht Frankfurt
1-0 Anton Kade ('44 )
1-1 Ritsu Doan ('66 )

Koln 1 - 2 Bayer
0-1 Patrik Schick ('43 , víti)
0-2 Patrik Schick ('52 )
1-2 Gian-Luca Waldschmidt ('77 )

Mainz 3 - 4 Bayern
1-0 Dominik Kohr ('15 )
2-0 Paul Nebel ('29 )
3-0 Sheraldo Becker ('45 )
3-1 Nicolas Jackson ('53 )
3-2 Michael Olise ('73 )
3-3 Jamal Musiala ('80 )
3-4 Harry Kane ('83 )