Liverpool steinlá á útivelli gegn Aston Villa er liðin mættust í fyrsta leik helgarinnar í ensku úrvalsdeildinni.
Heimamenn leiddu í hálfleik og náðu aftur forystunni snemma í síðari hálfleik eftir að Dominik Szoboszlai rann afar óheppilega með boltann og hleypti Morgan Rogers þannig í gegn.
„Þetta hrundi eftir að við lentum 2-1 undir. Strákarnir stóðu sig vel lengst af gegn sterkum andstæðingum á erfiðum útivelli, en þetta hrundi niður í seinni hálfleik. Við náðum að minnka muninn í uppbótartíma sem er jákvætt merki, strákarnir gáfust aldrei upp," sagði Arne Slot, þjálfari Liverpool, í viðtali að leikslokum.
„Við lentum í erfiðleikum með hraðann þeirra, ákefðina og gæðin. Mér fannst við eiga fínan fyrri hálfleik og við vorum góðir fyrstu 10 mínúturnar í síðari hálfleik. Við vorum nálægt því að taka forystuna þegar við fengum mark frá þeim í bakið eftir afar óheppilegt atvik. Við höfum fengið mikið af skrýtnum mörkum á okkur á tímabilinu en þetta er í fyrsta sinn sem það gerist með þessum hætti.
„Villa var sterkara liðið í síðari hálfleik og verðskuldar sigurinn."
Framtíð Slot hefur verið mikið í umræðunni útaf slæmu gengi Liverpool en starfið hans virðist vera öruggt í sumar. Slot neitaði að svara spurningum um framtíð sína við stjórnvölinn hjá Liverpool, í staðinn vísaði hann í svör sín úr síðustu fréttamannafundum.
„Þetta er mjög pirrandi fyrir mig og alla í kringum Liverpool, engum finnst þetta skemmtilegt. Þetta er búið að vera svona tímabil hjá okkur og núna er bara einn leikur eftir. Við þurfum að vinna næstu helgi og svo verða hlutirnir betri í sumar.
„Við höfum misst marga lykilmenn í meiðsli sem hefur leitt til þess að við erum búnir að lenda í vandræðum með að nýta færin okkar og höfum átt erfitt með verjast einföldum sóknum.
„Núna snýst þetta allt um næsta leik. Við þurfum að hafa stuðningsmennina í fullu fjöri til að hjálpa okkur að tryggja sæti í Meistaradeildinni."
15.05.2026 20:57
England: Aston Villa skoraði fjögur gegn Liverpool
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
