Fullhlaðinn Elmar.
Elmar Kári Enesson Cogic fór á kostum í 5-2 sigri Aftureldingar á Njarðvík í 16-liða úrslitum Mjólkurbikarsins. Elmar skoraði tvö mörk en lét það sér ekki nægja og lagði upp þrjú til viðbótar.
Elmar Kári gerði sér leið á skrifstofu Fótbolta.net fyrr í dag þar sem hann tók á móti verðlaunum frá Mjólkursamsölunni ásamt því að ræða við undirritaðan.
Elmar Kári gerði sér leið á skrifstofu Fótbolta.net fyrr í dag þar sem hann tók á móti verðlaunum frá Mjólkursamsölunni ásamt því að ræða við undirritaðan.
„Við lögðum upp með það að mæta helvíti grimmir og það tókst. Við gerðum allt sem við lögðum upp með. Þetta tók smá tíma en eftir fyrsta markið, þá fannst ég mér við vera klárir.“
Elmar skoraði huggulegt mark úr aukaspyrnu: „Loksins datt það, ertu að grínast? Það var kominn tími til.“
Afturelding fær Stjörnuna í heimsókn í 8-liða úrslitum Mjólkurbikarsins, leikdagarnir eru 7. og 8. júní.
„Ef þú ætlar að gera eitthvað í þessari keppni verður maður að vinna öll þessi lið. Það er fínt að fá þá núna, við munum gera alvöru leik úr þessu.“
Er kominn tími á bikarævintýri í Mosfellsbæ?
„Já, svei mér þá. Ég held að við höfum farið lengst í 8-liða úrslit. Það væri skemmtilegt að komast lengra núna.“
