„Tilfinningin er alveg rosalega góð auðvitað, og sigur tilfinning er góð tilfinning. Maður vill alltaf vill alltaf upplifa hana og það er hægt að venjast henni vel,'' segir Jóhann Kristinn Gunnarsson, þjálfari Þrótt, eftir 3-2 sigur gegn Breiðablik í 16-liða úrslit Mjólkurbikar kvenna.
Lestu um leikinn: Þróttur R. 3 - 2 Breiðablik
Jóhann var mjög ánægður með sína stelpur í dag.
„Mér fannst frammistaðan mjög góð. Mér fannst við vera ofarlega í dag og varnarlega fannst mér við mjög sterkar. Mér fannst þetta verðskuldaður sigur og mér fannst leikurinn góður.''
Það er ekki langt síðan að þessi lið hittust seinast og sigraði Blikar þeim leik.
„Mér fannst við vera hikandi í þeim leik og svolítið að átta okkur á því hvernig þær spiluðu. Þær eru að spila aðeins öðruvísi heldur en undanfarin ár. Gæðin í þessu Blika liði eru mikil, þannig eitthvað getur alltaf látið undan eins og við sýndum hér í dag, en okkar stelpur mér fannst þær bara til fyrirmyndar og gæti ekki verið stoltari af þeim eins og einmitt núna.''
Rollins átti frábæra frammistöðu í dag með mark og stoðsendingu.
„Mér fannst hún bara mjög öflug og mér finnst hún hafa verið öflug. Hún er að hlaupa rosa mikið og vinnur varnarlega frábærlega fyrir liðið og þetta er eitthvað sem fer oft undir radarinn, okkur er alveg sama hvernig er verið að tala um hana. Hún vann fyrir sínu í dag og gott að hún fékk aðeins sviðsljósið líka, enda magnaður leikmaður og mikilvægur fyrir liðið,''
Jóhann var spurður út í hver væri drauma andstæðingur fyrir næstu 8-liða úrslitin.
„Ég á engan drauma andstæðing. Ég hef aldrei á minni ævi átt drauma andstæðing. Er það til?''
Hægt er að horfa á viðtalið í heild sinni hér fyrir ofan.
