„Það var mjög ljúft að heyra dómarann flauta leikinn af
Grindavík/Njarðvík er komið í 8-liða úrslit Mjólkurbikars kvenna eftir 3-2 sigur gegn Val. Þjálfari liðsins, Gylfi Tryggvason, var sáttur að leik loknum.
„Bara glaður. Þetta var mjög skemmtilegur leikur, það var mikið af skemmtilegum atvikum, góðum mörkum og færum. Þetta var opið og skemmtilegt," sagði Gylfi í viðtali við Fótbolta.net.
„Bara glaður. Þetta var mjög skemmtilegur leikur, það var mikið af skemmtilegum atvikum, góðum mörkum og færum. Þetta var opið og skemmtilegt," sagði Gylfi í viðtali við Fótbolta.net.
Lestu um leikinn: Valur 2 - 3 Grindavík/Njarðvík
Valur byrjaði leikinn vel og pressa þeirra gekk afskaplega vel. Eftir um tíu mínútna leik var sem Gylfi væri búinn að finna svör og Grindavík/Njarðvík tók yfir eftir það.
„Þær pressa vel og eru agressífar. Þetta er ekkert auðvelt, að leysa svona pressu, á sama tíma erum við með gott fótboltalið og erum góðar í að leysa pressu. Þetta er bara alltaf svona í öllum leikjum, þetta er eins og í boxbardaganum. Maður byrjar bara aðeins að þreifa hann fyrir sér og sjá hvar hann er að verjast og hvar hann er ekki að verjast. Við erum bara með mjög marga klára fótboltamenn sem eru góðir í að finna þessi svæði og við náðum svona tökum á þessum leik eftir þessar fyrstu tíu mínútur."
Kantmenn Grindavíkur/Njarðvíkur, Ása Björg og Sophia Romine, voru mjög öflugar í leiknum. Er ekki þægilegt að vera með svona hættulega kantmenn sem geta tekið menn á?
„Það er bara lúxus. Það er bara algjör snilld. Það gerir það bara erfiðara að verjast gegn okkur. Ég held að það sé erfitt að verjast á móti okkur. Ég held að mönnum líði aldrei þægilega, sama hvaða svæði þú ætlar að gefa eftir. Við erum tilbúin að ráðast á hvert einasta svæði sem andstæðingurinn ætlar að gefa okkur," sagði Gylfi að lokum.
