Burnley greiðir eina milljón punda fyrir Stephens sem hefur verið fastamaður í byrjunarliði Brighton undanfarin ár.

Stephens, sem er 31 árs gamall, skrifar undir tveggja ára samning við Burnley og tekur stöðu Jeff Hendrick í leikmannahópinum.

Stephens á 99 úrvalsdeildarleiki að baki og gæti spilað sinn hundraðasta leik þegar Burnley tekur á móti Southampton annað kvöld.

Þá var miðjumaðurinn Ashley Westwood að framlengja samning sinn við Burnley til 2023. Westwood er 30 ára og hefur spilað 113 leiki fyrir Burnley en þar áður var hann leikmaður Aston Villa.