Atli Þór Jónasson setti tvennu fyrir Fram
ÍBV tapaði þriðja leik sínum í deildinni
Fram 5 - 1 ÍBV
1-0 Atli Þór Jónasson ('11 )
2-0 Atli Þór Jónasson ('32 )
3-0 Þorri Stefán Þorbjörnsson ('49 )
3-1 Róbert Elís Hlynsson ('72 )
4-1 Kyle Douglas Mc Lagan ('76 )
5-1 Kristófer Konráðsson ('88 )
Lestu um leikinn
1-0 Atli Þór Jónasson ('11 )
2-0 Atli Þór Jónasson ('32 )
3-0 Þorri Stefán Þorbjörnsson ('49 )
3-1 Róbert Elís Hlynsson ('72 )
4-1 Kyle Douglas Mc Lagan ('76 )
5-1 Kristófer Konráðsson ('88 )
Lestu um leikinn
Framarar unnu annan leik sinn í Bestu deild karla þetta árið er liðið valtaði yfir ÍBV, 5-1, í 4. umferð deildarinnar á Lambhagavellinum í kvöld.
Eyjamenn hafa ekki riðið feitum hesti í byrjun leiktíðar og aðeins náð í eitt stig fyrir leikinn á meðan Framarar voru með fjögur stig úr þremur leikjum.
Atli Þór Jónasson kom Fram í tveggja marka forystu. Fyrra markið gerði hann á 11. mínútu eftir rosalega klaufalegan varnarleik hjá Eyjamönnum þar sem Mattias Edeland skallaði boltann aftur fyrir sig og hikaði Marcel Zapytowski, markvörður ÍBV í markinu. Hann hljóp fram, en bakkaði og var það allt of seint því Atli Þór náði að koma sér framhjá Marcel áður en hann setti boltann í netið.
Framherjinn bætti við öðru marki eftir gott samspil milli Fred og Vuk Oskars Dimitrijevic. Fred fékk boltann aftur, kom honum fyrir á Atla sem skoraði annað markið.
Sanngjörn 2-0 forysta í hálfleik og bættu heimamenn við marki snemma í síðari með marki frá Þorra Stefáni Þorbjörnssyni. Hann fékk boltann eftir hreinsun og þrumaði boltanum í netið.
Eyjamenn vöknuðu aðeins þegar leið á leikinn og náðu að minnka muninn á 72. mínútu er Róbert Elís Hlynsson þrumaði aukaspyrnu við D-bogann í vinstra hornið.
Framarar drápu leikinn algerlega fjórum mínútum síðar er Kyle McLagan stangaði aukaspyrnu Haraldar Einars Ásgrímssonar í netið og undir lokin gerði Kristófer Konráðsson fimmta og síðasta markið nokkrum mínútum eftir að hafa komið inn af bekknum með hörkuskoti af hægri vængnum, í stöng og inn.
Annar sigur Fram staðreynd sem er komið með sjö stig eftir fjórar umferðir en Eyjamenn áfram með eitt stig og enn í leita að fyrsta sigrinum.
Lítur illa út hjá Eyjamönnum sem hafa fengið á sig ellefu mörk í síðustu tveimur leikjum.
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 7 | 6 | 1 | 0 | 21 - 4 | +17 | 19 |
| 2. KR | 7 | 6 | 1 | 0 | 27 - 13 | +14 | 19 |
| 3. Fram | 7 | 4 | 2 | 1 | 20 - 13 | +7 | 14 |
| 4. Breiðablik | 7 | 3 | 3 | 1 | 13 - 8 | +5 | 12 |
| 5. Valur | 7 | 4 | 0 | 3 | 16 - 14 | +2 | 12 |
| 6. KA | 7 | 3 | 1 | 3 | 9 - 9 | 0 | 10 |
| 7. Keflavík | 7 | 2 | 2 | 3 | 10 - 12 | -2 | 8 |
| 8. ÍA | 7 | 2 | 2 | 3 | 9 - 14 | -5 | 8 |
| 9. Stjarnan | 7 | 2 | 1 | 4 | 14 - 17 | -3 | 7 |
| 10. Þór | 7 | 2 | 0 | 5 | 6 - 19 | -13 | 6 |
| 11. FH | 7 | 0 | 2 | 5 | 12 - 20 | -8 | 2 |
| 12. ÍBV | 7 | 0 | 1 | 6 | 6 - 20 | -14 | 1 |
