Aleksandar Linta, þjálfari Eyjamanna, var nokkuð ánægður með framlag sinna manna í 2-0 tapinu gegn Víkingi í Bestu deildinni í dag.
Lestu um leikinn: ÍBV 0 - 2 Víkingur R.
Eyjamenn hafa átt erfitt tímabil og ekki enn unnið leik. Liðið sýndi agaðan varnarleik gegn Íslandsmeisturunum stærstan hluta leiks og fékk sín færi en nýtti ekki.
„Við erum baráttuhundar og hötum að tapa. Við töpuðum þessu en mér fannst liðið sýna karakter og sérstaklega í fyrri hálfleik og byrjun seinni. Við fengum nokkur færi og það er erfitt að skapa mörg gegn sterku liði eins og Víkingi. Mér fannst strákarnir gera vel stærstan hluta leiksins,“ sagði Linta við Fótbolta.net.
Hann segir að síðan hann tók við Eyjamönnum hefur markmiðið verið að þétta vörnina.
„Við höfum verið að vinna í því að þétta vörnina síðan ég tók við liðinu. Kannski sérðu það meira í svona leikjum því Víkingur er með sterkt lið, en við höfum líka sýnt það á köflum í öðrum leikjum. Í dag skora þeir tvö mörk, en skapa sér ekki mörg færi.“
Linta talaði einnig um mörkin sem liðið fékk á sig.
„Við verðum að gera aðeins betur í fyrra markinu en seinna markið var mistök. Það er synd því stuttu áður fengum við tvö færi til að skora. Ef við hefðum skorað þá hefði leikurinn þróaðist öðruvísi,“ sagði hann ennfremur en hægt er að sjá viðtalið í heild sinni hér fyrir ofan.
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 10 | 9 | 1 | 0 | 34 - 6 | +28 | 28 |
| 2. KR | 10 | 8 | 1 | 1 | 38 - 23 | +15 | 25 |
| 3. Fram | 9 | 6 | 2 | 1 | 25 - 16 | +9 | 20 |
| 4. Breiðablik | 9 | 4 | 3 | 2 | 22 - 15 | +7 | 15 |
| 5. Valur | 10 | 5 | 0 | 5 | 19 - 22 | -3 | 15 |
| 6. ÍA | 9 | 3 | 3 | 3 | 12 - 16 | -4 | 12 |
| 7. Keflavík | 9 | 3 | 2 | 4 | 12 - 18 | -6 | 11 |
| 8. KA | 9 | 3 | 1 | 5 | 12 - 15 | -3 | 10 |
| 9. Stjarnan | 10 | 3 | 1 | 6 | 18 - 22 | -4 | 10 |
| 10. Þór | 9 | 2 | 0 | 7 | 7 - 23 | -16 | 6 |
| 11. ÍBV | 9 | 1 | 2 | 6 | 14 - 23 | -9 | 5 |
| 12. FH | 9 | 0 | 2 | 7 | 12 - 26 | -14 | 2 |
