Rafael Victor gerði þriðja mark Grindvíkinga í fyrsta deildarsigri tímabilsins
Grindavík 3 - 1 Völsungur
1-0 Haraldur Björgvin Eysteinsson ('3 )
1-1 Dagbjartur Búi Davíðsson ('17 )
2-1 Heiðar Snær Ragnarsson ('52 )
3-1 Rafael Alexandre Romao Victor ('66 )
Lestu um leikinn
1-0 Haraldur Björgvin Eysteinsson ('3 )
1-1 Dagbjartur Búi Davíðsson ('17 )
2-1 Heiðar Snær Ragnarsson ('52 )
3-1 Rafael Alexandre Romao Victor ('66 )
Lestu um leikinn
Grindavík náði í sinn fyrsta sigur í Lengjudeildinni í ár er liðið vann Völsung, 3-1, á Stakkavíkurvelli í dag.
Grindvíkingar komust yfir snemma leiks. Þeir fengu hornspyrnu á 3. mínútu. Stefán Jón Friðriksson kom boltanum inn á teiginn á Harald Björgvin Eysteinsson sem var dauðafrír og skallaði boltanum í netið.
Dagbjartur Búi Davíðsson jafnaði metin á 17. mínútu með óverjandi skoti framhjá Hjörvari Daða Arnarssyni.
Staðan 1-1 í hálfleik. Grindvíkingar byrjuðu betur en Húsvíkingar unnu sig inn í leikinn þegar leið á hálfleikinn.
Heiðar Snær Ragnarsson kom Grindavík aftur yfir á 52. mínútu. Haraldur Björgvin þræddi Heiðar í gegn sem skoraði með laglegu skoti.
Gestirnir ógnuðu á næstu mínútum og voru líklegir til að jafna, en fengu blauta tusku í andlitið þegar Rafael Victor nýtti sér klaufaleg mistök í vörn Völsungs. Ingi Þór Sigurðsson setti boltann inn á teiginn og leyfði Mikael Máni Þorfinnsson boltanum að fara áfram. Varnarmenn Völsungs reyndu ekki við boltann sem fór á Rafael Victor sem gerði út um leikinn.
Fyrsti sigur Grindvíkinga staðreynd sem eru með sex stig og taplaust í deildinni á meðan Völsungur er með aðeins tvö stig.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þróttur R. | 3 | 3 | 0 | 0 | 8 - 1 | +7 | 9 |
| 2. HK | 3 | 2 | 0 | 1 | 9 - 6 | +3 | 6 |
| 3. Fylkir | 3 | 2 | 0 | 1 | 5 - 2 | +3 | 6 |
| 4. ÍR | 3 | 1 | 1 | 1 | 10 - 9 | +1 | 4 |
| 5. Afturelding | 3 | 1 | 1 | 1 | 7 - 7 | 0 | 4 |
| 6. Njarðvík | 3 | 1 | 1 | 1 | 2 - 2 | 0 | 4 |
| 7. Vestri | 3 | 1 | 1 | 1 | 5 - 6 | -1 | 4 |
| 8. Leiknir R. | 3 | 1 | 1 | 1 | 3 - 5 | -2 | 4 |
| 9. Grindavík | 3 | 0 | 3 | 0 | 3 - 3 | 0 | 3 |
| 10. Grótta | 3 | 1 | 0 | 2 | 3 - 6 | -3 | 3 |
| 11. Völsungur | 3 | 0 | 2 | 1 | 1 - 4 | -3 | 2 |
| 12. Ægir | 3 | 0 | 0 | 3 | 1 - 6 | -5 | 0 |
