Dayot Upamecano verður enginn leiðtogi hjá Bayern Munchen á næsta tímabili að sögn varnarmannsins Holger Badstuber.
Badstuber er fyrrum leikmaður Bayern en hann er í dag 32 ára gamall og spilar með Stuttgart í efstu deild.
Upamecano var einn eftirsóttasti miðvörður heims og ákvað nýlega að kveðja RB Leipzig í sumar og ganga í raðir Bayern.
Frakkinn mun þurfa hjálp að sögn Badstuber sem lék 119 deildarleiki í Munchen frá 2009 til ársins 2017.
„Svona ungur leikmaður kemur ekki til Bayern og verður leiðtogi," sagði Badstuber í samtali við Bild.
„Ég heyri ekkert í honum. Þú getur ekki verið leiðtogi ef þú ert svona rólegur. Þú þarft að gefa skýrar skipanir. Ég sé Lucas Hernandez í þessu hlutverki."
Athugasemdir
