Emil Pálsson hefur verið frábær á undirbúningstímabilinu.
Tveir leikmenn FH heimsóttu útvarpsþátt Fótbolta.net á X-inu síðasta laugardag en í spilaranum hér að ofan má heyra spjallið við þá. Fyrirliðinn Ólafur Páll Snorrason og Emil Pálsson mættu í gasklefann.
FH hefur leikið vel í vor og vann úrslitaleik Lengjubikarsins á föstudag.
„Við höfum fundið það alveg sjálfir síðustu vikur eftir að við komum að utan að við höfum verið að spila mjög vel. Þetta er kannski aðeins öðruvísi en við höfum gert síðustu ár þar sem við höfum dottið út í 8-liða úrslitum Lengjubikarsins. Nú var annað uppi á teningnum, við erum að spila töluvert betur en við höfum verið að gera síðustu tvö til þrjú ár á þessum tíma," segir Ólafur Páll.
Vonandi næ ég að springa út í sumar
Emil hefur verið frábær á þessu undirbúningstímabili og verður spennandi að sjá hvernig hann mun standa sig í Pepsi-deildinni.
„Ég er búinn að þroskast mikið sem leikmaður að mínu mati. Svo fór Björn Daníel (Sverrisson) og þá skapaðist ákveðið pláss á miðjunni sem mér finnst ég hafa nýtt mér vel á undirbúningstímabilinu. Vonandi næ ég að fylgja því eftir. Það er ekkert gaman að vera góður á undirbúningstímabilinu en geta ekkert í deildinni sjálfri," segir Emil.
„Þetta er fjórða tímabilið mitt í FH sem er að byrja núna. Vonandi næ ég að springa aðeins út í sumar og skora aðeins meira en ég hef verið að gera."
Viðtalið er í heild sinni í spilaranum hér að ofan. Þar er meðal annars rætt um úrslitaleik Lengjubikarsins, Evrópuframmistöðuna í fyrra, frammistöðu einstakra leikmanna og auglýsinguna með Hödda Magg.
Ólafur Páll Snorrason, fyrirliði FH.
Athugasemdir
