„Maður má ekki segja það sem maður hugsar en ég er ógeðslega svekktur," segir Davíð Smári Lamude, þjálfari Vestra, eftir 0-1 tap liðsins gegn Víkingi í toppslag Bestu deildarinnar. Eina mark leiksins kom úr vítaspyrnu og Davíð var pirraður að leik loknum.
„Mér fannst við í það minnsta eiga meira skilið en þeir úr þessum leik."
„Mér fannst við í það minnsta eiga meira skilið en þeir úr þessum leik."
Lestu um leikinn: Vestri 0 - 1 Víkingur R.
Sigurður Hjörtur Þrastarson dæmdi leikinn og Davíð var ekki ánægður með dómarateymið í dag. Hann var spurður út í rangstöðu sem var ranglega dæmd á hans lið í hættulegri sókn.
„Ég ætla ekki að kommenta neitt á það. Mér fannst þeir fá allt, allar aukaspyrnur sem þeir báðu um og komust upp með að væla og liggja í grasinu. Ég er stoltur af mínu liði. Við þvingum Víkinga í fimm manna varnarlínu og erum betri áður en þeir fá þetta víti."
Arnór Borg Guðjohnsen, sem kom til Vestra frá FH, er á meiðslalistanum en hann fór meiddur af velli í leik á dögunum.
„Hann er tognaður aftan í læri og ég veit ekki hvað þetta er langur tími, fjórar vikur eða eitthvað," segir Davíð.
Athugasemdir
