Arnar Gunnlaugsson vill sjá Rúnar Alex Rúnarsson í marki Íslands gegn Liechteinstein á morgun. Þá finnst honum að Hólmbert Aron Friðjónsson eigi að fá tækifæri í sókninni.
Þetta sagði Arnar í samtali við Valtý Björn Valtýsson í hlaðvarpsþættinum Mín skoðun í dag. Hann setti þar saman sitt byrjunarlið.
Þetta sagði Arnar í samtali við Valtý Björn Valtýsson í hlaðvarpsþættinum Mín skoðun í dag. Hann setti þar saman sitt byrjunarlið.
„Þetta yrði blanda af yngri og eldri leikmönnum. Hannes hefur þjónað okkur rosalega vel en mér finnst tími til að fara aðra átt, fá aðra dínamík og fá markvörð sem er betri í löppunum. Ég held að það sé tími á að Rúnar Alex fái tækifærið," segir Arnar.
„Hörður Björgvin í vinstri bak og svo vil ég Alfons í hægri. Hann stóð sig að mörgu leyti vel gegn Þýskalandi eftir erfiða byrjun. Ég held að Kári og Sverrir spili í miðverði."
„Það eru fá lið sem geta spilað með eina sexu á miðjunni, ég sé Guðlaug Victor og Aron Einar á miðjunni. Þá þarf sköpunarmátt fram á við."
„Jói hægra megin, fyrst Albert er ekki með væri gaman að sjá Jón Dag byrja vinstra megin. Mér finnst að Hólmbert eigi að fá að spila. Svo gætu Jón Daði eða Birkir Bjarnason gætu svo fyllt upp í liðið."
Athugasemdir