Guðmundur Magnússon.
Stjarnan fór til Vestmanneyja og sótti þar 2-0 sigur gegn ÍBV í Pepsi Max-deild karla í dag.
Það gengur ekkert hjá ÍBV þessa daganna. Liðið er á botninum með fimm stig og með -17 í markatölu.
Það gengur ekkert hjá ÍBV þessa daganna. Liðið er á botninum með fimm stig og með -17 í markatölu.
Lestu um leikinn: ÍBV 0 - 2 Stjarnan
Guðmundur Magnússon, framherji ÍBV, ræddi við Fótbolta.net eftir leikinn. Hvað var það sem fór úrskeiðis?
„Við skorum ekki mark. Mér fannst dómarinn eyðileggja leikinn. Ég ætla að tala hreint út, mér er alveg sama. Þetta var aldrei víti. Við sjáum það í hverjum einasta leik að menn fara í skallabolta 50/50 og annar leikur boltanum og hinn ekki. Það er aldrei dæmt. Þetta var aldrei víti," sagði Guðmundur.
„Þeir voru margir dómararnir á Orkumótinu sem hefðu getað gert betur en dómarinn í dag."
„Við erum ekki að skora en við erum samt að koma okkur í ákveðnar stöður. Það vantar aðeins upp á. Það er rosalega súrt þegar á móti blæs að fá á sig svona víti."
„Nú sést bara úr hverju menn eru gerðir. Það er hægt að væla um hitt og þetta, en við erum komnir í þessa holu. Við verðum bara að halda áfram - það er það eina í þessari stöðu."
Viðtalið er hér að ofan.
Athugasemdir
