„Við þurfum að vera hreyfanlegar, láta boltann ganga hratt á milli og því fyrr sem við skorum í leiknum því betra verður það. Við skoruðum snemma á þær úti sem gerir það kannski að verkum að við náum að opna þær og leikurinn endar 5-0."

„Við þurfum að spila vel. Þær (unnu) Tékkana þannig að þær eru líka með hörkulið."

Dagný var spurð út í vonbrigðin á EM þar sem íslenska liðið gerði þrjú jafntefli. Markmiðið var að vinna leik í riðlinum.

„Auðvitað tók það aðeins tíma eftir á. Fótbolti er bara þannig að maður leyfir sér að vera aðeins niðri í smá tíma en svo þarf maður að rífa sig aftur í gang. Eftir EM fengum við allar smá frí, svo er maður bara mættur aftur með félagsliði sínu og þá þarf maður að vera komin með hausinn rétt stilltan á."

„Við tókum góðan fund í gærkvöldi um EM, nú er það komið til hliðar og 100% einbeiting á Hvít-Rússa leikinn," sagði Dagný.

Talandi um fundinn, var eitthvað rætt um umspilið sem Ísland gæti farið í. Umspilið er ekki það einfaldasta og var Dagný spurð hvort hún skildi hvernig það virkaði.

„Steini sýndi okkur aðeins mynd af þessu umspili. Þetta er ekkert eðlilega grillað dæmi hvernig þetta er. Ég viðurkenni að maður datt alveg inn og út og mörg spurningamerki í andlitunum á okkur. En ég hugsaði á meðan hann var að tala að vonandi þyrfti maður ekki að hugsa mikið meira út í það, vonandi klárum við leikinn á móti Hvítrússum og svo Holland úti. Þá þurfum við ekkert að pæla í þessu."

„Ég sá að ef við förum beint inn í umspilið og þurfum ekki að fara í umspil um að komast í umspilið þá er ekki spilað fyrr en í febrúar. Manni finnst einhvern veginn alltof langt að bíða eftir því. Auðvitað væri bara sætt að klára þetta núna í september."

Ertu með einhverjar væntingar um stuðning og mætingu áhorfenda á föstudag?

„Auðvitað vonumst við eftir því að fá góðan stuðning, sérstaklega þar sem við fundum fyrir miklum meðbyr á EM, fólk sem kom út og stuðningur að heiman líka. Ég held að það eigi að vera fínt veður, vonandi sjáum við sem flesta og við erum þakklátar alla þá sem koma," sagði Dagný.

Viðtalið er talsvert lengra og er hún einnig spurð út í West Ham.

Viðtalið í heild má sjá í spilaranum að ofan.