Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

þri 30. ágúst 2022 11:32

Guðmundur Aðalsteinn Ásgeirsson
Miðgarður

Óvissa hjá Alexöndru eftir EM - „Seinustu tvær vikur hafa verið flottar"

Alexandra Jóhannsdóttir hres s á æfingu Íslands í Miðgarði í morgun.

Mynd: Fótbolti.net - Hafliði Breiðfjörð

Á landsliðsæfingu.

Mynd: Fótbolti.net - Hafliði Breiðfjörð

„Það er alltaf gaman að koma í landsliðið og hitta stelpurnar," segir Alexandra Jóhannsdóttir, miðjumaður landsliðsins, fyrir æfingu liðsins í Miðgarði í dag.

Það hefur verið nóg um að vera hjá Alexöndru eftir EM en hún skipti um félag er hún frá Eintracht Frankfurt í Þýskalandi til Fiorentina á Ítalíu.

„Þetta var smá stressandi fyrst, smá óvissa eftir EM. Það var smá vesen með skiptin yfir en seinustu tvær vikur hafa verið flottar. Ég er búin að vera að koma mér fyrir og skoða Flórens."

„Hugsunin var að fara í Frankfurt eftir EM. Ég átti eitt ár eftir af samningi, en svo kom þetta upp og mér leist vel á það. Ég ákvað að kýla á það," segir Alexandra

Voru margir aðrir möguleikar inn í myndinni?

„Ekkert sem mér leist á þannig. Þetta var allavega það sem mér leist best á," segir Alexandra. Það tók tíma fyrir skiptin að ganga í gegn en það gekk að lokum.

Það eru nokkrir Íslendingar að spila á Ítalíu og er Alexandra spennt að spila í þessari deild.

„Ég var eitthvað smá búin að ræða við Söru (Björk Gunnarsdóttur, landsliðsfyrirliða). Hún var eitthvað að skjóta á mig af hverju ég kæmi ekki til Ítalíu, en það var áður en þetta kom upp. Ég ræddi aðeins við hana."

„Ég missti eiginlega af öllu undirbúningstímabilinu. Ég er búin að æfa með liðinu í eina viku, en mér líst vel á þetta. Það eru flottir leikir framundan og ég er spennt."

Tveir mikilvægir leikir framundan
Það eru tveir mikilvægir leikir framundan hjá landsliðinu þar sem liðið er með örlögin í sínum höndum varðandi það að komast á HM í fyrsta sinn.

„Við erum í flottri stöðu, en við gerum okkur grein fyrir því að við verðum að vinna leikinn á föstudaginn. Ég hvet alla til að mæta leikinn. Fyrst og fremst er hausinn okkar þar núna, að vinna leikinn á föstudaginn. Svo förum við í framhaldið," segir Alexandra.

Liðið spilar við Hvíta-Rússland á föstudaginn og mætir svo Hollandi í næstu viku í það sem verður væntanlega hreinn úrslitaleikur um sæti á HM. Þar kemur jafntefli til með að duga Íslandi á HM í fyrsta sinn - ef við vinnum Hvíta-Rússland fyrst.

„Við erum komnar í umspilið sama hvernig fer. Við erum í svakalegum möguleika. Við erum í bílstjórasætinu að komast beint á HM. Það er staðan sem við viljum vera í," segir Alexandra í viðtalinu sem má sjá í heild sinni hér að ofan.