Það er mikið af leikjum á dagskrá í Meistaradeild kvenna í dag og í kvöld og komu nokkrir Íslendingar við sögu.
Brann tók á móti Braga í spennandi úrslitaleik um sæti í riðlakeppni Meistaradeildarinnar, þar sem sjálfsmark frá Guðrúnu Arnardóttur réði úrslitum.
Guðrún Arnardóttir og Ásdís Karen Halldórsdóttir léku allan leikinn í tapliði Braga, á meðan Diljá Ýr Zomers var í byrjunarliðinu hjá Brann. Brenna Lovera, fyrrum leikmaður Selfoss og ÍBV, kom inn af bekknum í liði Brann.
Brann var sterkara liðið og verðskuldaði sigurinn. Brann fer því í riðlakeppni Meistaradeildarinnar eftir að hafa unnið mjög sterka fjögurra liða undankeppni sem innihélt einnig Inter og Val.
Í öðrum leikjum dagsins er vert að taka fram að Nordsjælland hafði betur gegn Aktobe, en 16 ára gömul Rebekka Sif Brynjarsdóttir er á mála hjá unglingaliði danska félagsins. Nordsjælland mun þó ekki taka þátt í Meistaradeildinni vegna þess að liðið tapaði í fyrstu umferð undankeppninnar.
AS Roma, Austria Vín og Vorskla Poltava munu hins vegar taka þátt í Meistaradeildinni eftir sigra í dag.
Fyrirliðinn Manuela Giugliano skoraði tvennu í 5-1 sigri Rómverja gegn Sparta Prag.
Brann 1 - 0 Braga
1-0 Guðrún Arnardóttir ('68, sjálfsmark)
Roma 5 - 1 Sparta Prag
Minsk 0 - 3 Austria Vín
Vorskla Poltava 2 - 0 Gintra
Athugasemdir
