Marcus Rashford var hetja Barcelona þegar liðið vann Newcastle á útivelli í fyrstu umferð deildarkeppni Meistaradeildarinnar í kvöld.
„Það er stórkostleg reynsla að spila fyrir Barcelona. Ég hef verið mikill aðdáandi félagsins. Stuðningsmennirnir komu og vildu sjá flottan fótbolta. Það er ekki auðvelt að spila hérna," sagði Rashford.
Rashford skoraði tvennu en seinna mark hans var sérstaklega glæsilegt. Hann skoraði með skoti fyrir utan teiginn, sláin inn.
„Það var sekúndubrot þar sem mér fannst opnast tækifæri og ég sá fjærstöngina út undan mér og ég tók skotið," sagði Rashford.
Rashford stefnir á að vinna Meistaradeildina með Barcelona.
„Ég er svo spenntur. Gæðiin sem við höfum gerir mig spenntan. Liðið er ungt, spilar með mikið sjálfstraust og skilning á leiknum. Við viljum vinna Meistaradeildina, við hugsum ekki um neitt annað. Við vitum hversu erfið keppnin er, þeir komust næstum því alla leið í fyrra. Í ár snýst þetta bara um að bæta sig og ná næsta skrefi," sagði Rashford.
Athugasemdir
