Patrick á börunum og Jeppe hjá honum.
Jeppe skoraði frábært mark í leiknum.
Patrick Pedersen, leikmaður Vals, ræddi við Fótbolta.net um meiðslin sem hann varð fyrir í bikarúrslitaleiknum í síðasta mánuði. Patrick sleit hásin í leiknum og verður frá fram á næsta ár.
Úrslitaleikurinn var sérstakur því bræður mættust í leiknum, yngri bróðir Patrick, Jeppe, spilaði með Vestra og skoraði sigurmarkið með mögnuðu skoti fyrir utan teig í fyrri hálfleiknum. Í seinni hálfleik var svo Patrick borinn af velli.
Úrslitaleikurinn var sérstakur því bræður mættust í leiknum, yngri bróðir Patrick, Jeppe, spilaði með Vestra og skoraði sigurmarkið með mögnuðu skoti fyrir utan teig í fyrri hálfleiknum. Í seinni hálfleik var svo Patrick borinn af velli.
„Hann var dapur fyrir mína hönd, hann hringdi í mig þegar ég var á sjúkrahúsinu eftir leikinn. Ég sagði honum að ég yrði í lagi, sagði honum að njóta kvöldsins því hann ætti það skilið. En hann var mjög dapur og þetta var erfitt fyrir hann," segir Patrick.
„Það voru blendnar tilfinningar í Pedersen fjölskyldunni, sérstaklega fyrir foreldra minni. Annar sonurinn skoraði sigurmarkið en hinn meiddist illa."
Hvernig upplifði Patrick markið?
„Í augnablikinu var ég viss um að hann myndi þruma í boltann, og þegar ég sá hann taka skotið sá ég flugið á boltanum, stefndi beint í efra hornið. Þetta var ótrúlegt skot. Þegar ég svo sá það aftur í sjónvarpinu var þetta enn betra skot því ég hélt hann hefði verið nær markinu, en hann var 3-4 metrum fyrir utan teiginn. Ótrúlegt mark, ég get sagt þér að hann mun aldrei skora svona mark aftur, týpískt," segir Patrick og hlær.
Athugasemdir
