„Ég set bæði kröfu, von og væntingar að það verði bara stappað af fólki að styðja við okkur."

Sandra viðurkennir að það hafi tekið smá tíma fyrir sálina að jafna sig eftir EM. Hún fékk þó ekki mikinn tíma frá vellinum því Valur lék í Bestu deildinni skömmu eftir EM.

„Maður varð bara að svissa yfir. En ég viðurkenni alveg að sálin tók smá tíma, maður var svekktur í heillangan tíma út af því maður ætlaði sér auðvitað meira. En svo er það bara áfram gakk og maður nýtir það vonandi í þetta verkefni."

Sandra segir að Hvíta-Rússland sé vaxandi lið. „Þetta er krefjandi verkefni, við þurfum að vera innstilltar á okkar besta leik, tækla þetta verkefni af virðingu og miklum krafti."

Sandra varð bikarmeistari með Val á laugardag. Hvernig var fagnað?

„Ég sjálf fór á tónleika, gat ekki sleppt því. Það var matur og aðeins húllumhæ í Fjósinu og haft gaman."

Sandra fór á tónleika Ásgeirs Trausta í Hörpu á laugardagskvöldið og skemmti sér vel. „Það var geggjað, hann er frábær tónlistamaður."

Viðtalið við Söndru, sem sjá má í heild sinni í spilaranum að ofan, spurð út í markverðina sem eru með henni í landsliðshópnum.