Jonathan Hendrickx er sá eini sem er í úrvalsliðum beggja fyrstu umferðanna.
Sam Hewson var maður leiksins í Keflavík.
Sölvi Geir Ottesen.
2. umferð Pepsi-deildarinnar er að baki en aðeins Breiðablik hefur náð að vinna fyrstu tvo leiki sína.
Fótbolti.net fjallar vel um alla leiki deildarinnar og eftir hvern leik skila fréttaritarar skýrslu. Úrvalsliðið er sett saman eftir þessum skýrslum.
Fótbolti.net fjallar vel um alla leiki deildarinnar og eftir hvern leik skila fréttaritarar skýrslu. Úrvalsliðið er sett saman eftir þessum skýrslum.
Breiðablik vann flottan 3-1 útisigur gegn FH. Jonathan Hendrickx er aftur í úrvalsliðinu og þar eru einnig Damir Muminovic og hinn magnaði Gísli Eyjólfsson.
Í marki úrvalsliðsins er hinn ungi Aron Snær Friðriksson, markvörður Fylkis, sem stóð sig vel í 2-1 sigri gegn KA. Emil Ásmundsson er einnig í úrvalsliðinu og Helgi Sigurðsson er þjálfari umferðarinnar.
Í hjarta varnarinnar er Sölvi Ottesen sem var geggjaður í baráttuleik Víkings og Vals sem endaði 0-0. Án nokkurs vafa maður leiksins. Kaj Leo í Bartalsstovu í ÍBV byrjar tímabilið vel og var maður leiksins í 1-1 jafntefli gegn Fjölni í rokleiknum í Vestmannaeyjum.
KR-ingar unnu dramatískan 3-2 sigur á Stjörnunni í Garðabæ í frábærum fótboltaleik. Kristinn Jónsson, Pálmi Rafn Pálmason og Björgvin Stefánsson eru fulltrúar KR í úrvalsliðinu en þeir tveir síðarnefndu skoruðu í leiknum.
Þá var Sam Hewson maður leiksins þegar Grindavík vann Keflavík í Suðurnesjaslag en hann skoraði í leiknum.
Þriðja umferð deildarinnar fer af stað á laugardaginn.
Sjá einnig:
Úrvalslið 1. umferðarinnar
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
