Vilja Anderson frekar en Wharton - Napoli á eftir Mainoo - Atlético í baráttuna um Guehi
   mán 21. janúar 2019 16:11
Fótbolti.net
Jan Siewert tekinn við Huddersfield (Staðfest)
Hinn 36 ára Jan Siewert hefur verið staðfestur sem nýr stjóri Huddersfield Town. Siewert var þjálfari varaliðs Borussia Dortmund.

Siewert gerði samning við Huddersfield til sumarsins 2021 en liðið er í erfiðri stöðu í neðsta sæti ensku úrvalsdeildarinnar.

Dean Hoyle, stjórnarformaður Huddersfield, segist hæstánægður með að fá Siewert.

„Ég er gríðarlega spenntur. Við nutum mikillar velgengni undir fyrrum stjóra, David Wagner. Nýr stjóri er líkur honum að ýmsu leyti, ungur og metnaðarfullur Þjóðverji. Jan er þó annar einstaklingur."

Hoyle segir að félagið hafi kynnst Siewert þegar hann var aðstoðarþjálfari hjá Bochum og fyrst talað við hann fyrir tveimur árum.

„Hann hefur gott orðspor og skýra hugmyndafræði. Þá hefur honum vegnað vel með því að vinna með unga leikmenn," segir Hoyle.

„Við ætlum að berjast eins og við getum til að halda okkur í úrvalsdeildinni. Við höfum ekki gefist upp. Við erum einnig með framtíðarstefnu, sama hver niðurstaðan verður í vor. Jan er tilbúinn að takast á við þær áskoranir sem eru framundan, sama hverjar þær verða. Ég er viss um að stuðningsmenn taki honum opnum örmum."


Stöðutaflan England Premier league - karlar
  L U J T ms: mf: mun Stig
1 Arsenal 12 9 2 1 24 6 +18 29
2 Man City 13 8 1 4 27 12 +15 25
3 Chelsea 12 7 2 3 23 11 +12 23
4 Sunderland 13 6 4 3 17 13 +4 22
5 Aston Villa 12 6 3 3 15 11 +4 21
6 Crystal Palace 12 5 5 2 16 9 +7 20
7 Brighton 12 5 4 3 19 16 +3 19
8 Brentford 13 6 1 6 21 20 +1 19
9 Bournemouth 13 5 4 4 21 23 -2 19
10 Tottenham 13 5 3 5 21 16 +5 18
11 Newcastle 13 5 3 5 17 16 +1 18
12 Man Utd 12 5 3 4 19 19 0 18
13 Liverpool 12 6 0 6 18 20 -2 18
14 Everton 13 5 3 5 14 17 -3 18
15 Fulham 13 5 2 6 15 17 -2 17
16 Nott. Forest 12 3 3 6 13 20 -7 12
17 West Ham 12 3 2 7 15 25 -10 11
18 Leeds 13 3 2 8 13 25 -12 11
19 Burnley 13 3 1 9 15 27 -12 10
20 Wolves 12 0 2 10 7 27 -20 2
Athugasemdir
banner
banner