Guðmundur Magnússon leikur með Ólsurum seinni hluta sumars.
Sóknarmaðurinn Guðmundur Magnússon er á leið til Víkings Ólafsvíkur frá ÍBV á láni samkvæmt heimildum Fótbolta.net.
Hann þekkir vel til í Ólafsvík. Hann lék með Víkingi frá 2011 til 2013 og skoraði þá 12 mörk í 48 leikjum.
Hann þekkir vel til í Ólafsvík. Hann lék með Víkingi frá 2011 til 2013 og skoraði þá 12 mörk í 48 leikjum.
Þessi 28 ára gamli framherji er búinn að skora þrjú mörk í 11 leikjum í deild og bikar með ÍBV í sumar. Pedro Hipolito, fyrrum þjálfari ÍBV, fékk hann til Vestmannaeyja síðasta vetur.
Sá orðrómur hefur verið á kreiki að Guðmundur myndi yfirgefa ÍBV nú í sumarglugganum. Fyrr í mánuðinum sagði Andri Ólafsson, aðstoðarþjálfari ÍBV, að það væri ekki að fara að gerast.
Hann var ekki í leikmannahópi ÍBV í dag þegar liðið tapaði gegn Grindavík suður með sjó.
Í fyrra skoraði Guðmundur 18 mörk í 22 leikjum fyrir Fram í Inkasso-deildinni. Það er því ljóst að hann mun reynast mikill styrkur fyrir Ólsara sem sitja í fimmta sæti Inkasso-deildarinnar.
Athugasemdir
