Ramos kom Real í 2-0 á 33. mínútu með skalla eftir hornspyrnu. Það er hans 100. mark fyrir Real Madrid. Hann er í heildina búinn að skora 103 mörk á ferli sínum en hann gekk í raðir Real Madrid frá Sevilla árið 2005.

Af þessum 100 mörkum hafa 55 þeirra komið með höfði hans.

„Þvílíkt afrek hjá Sergio Ramos. Án nokkurs vafa einn besti fótboltamaður sögunnar. Erfitt að hugsa um marga sem eru betri en hann í hans stöðu," skrifar Gary Lineker, fyrrum landsliðsmaður Englands, á Twitter.

Ramos, sem er 34 ára, er magnaður miðvörður og titlasafn hans er risastórt.